Në Bashkinë e Mirditës situata duket tejet e rënduar ,nga reshjet e shumta të borës
Dhjetëra fshatra janë izoluar, ndërsa Shtabi i Emergjencave ende nuk është vënë në veprim.
Rruga e Kombit është paralizuar.
Pushteti vendor dhe ai qëndror janë inekzistent.
Bora pastrohet nga vetë banorët e fshatit me ekskavatorë privatë pasi borëpastrueset mungojnë.
Asnjë ndihmë nga Shtabi i Emergjencave për zonat e bllokuara dhe nuk ka ende asnjë njoftim për mbledhje.
Deputetja e qarkut të Lezhës Lindita Metaliaj e cila ka parë nga afër situatën thotë se gjendja është përkeqësuar për shkak të papërgjegjshmërisë së pushtetit lokal dhe qëndror ku fondet për emergjencat vidhen, paratë e taksapaguesve shqiptarë shpërdorohen dhe qytetarët lihen në mëshire të fatit.
Askush deri më tani nuk ka ndihmuar qindra familje të bllokuara në zonat rurale, të cilat janë nën pushtetin e borës, ngricës dhe temperaturave nën zero.
Mësimi është ndërprerë në të gjitha shkollat e Mirditës.
Reshjet e dendura të dëborës kanë izoluar totalisht fshatrat në Mirditë, Selitë, Kacinar, Fan, Orosh dhe qytetet Rrëshen, Rubik dhe Reps.
Bashkia dhe firmat kontraktore për mirëmbajtjen e rrugës nuk kanë ndërhyrë ende në zhbllokimin e rrugëve.
Deputeti Andon Frrokaj thekson se në rrugët e bllokuara nuk është shtruar kripë ndërsa mjetet borëpastruese nuk janë në funksion.
