Mish pule dhe salsiçe të pasigurta, AKU vendos 60 milionë lekë gjobë në Vlorë dhe bllokon dhe 20 mijë vezë

0
9
Zjarr Televizion Ad This is a sample article. ...

Autoriteti Kombëtar i Ushqimit ka ndëshkuar 13 subjekte në Vlorë për tregtim të ushqimit të pasigurt. Trupa inspektuese e AKU ka vijuar me kontrollet dhe monitorimet në subjekte që ushtrojnë aktivitetin e tregtimit të produkteve të mishit, mishit të pulës dhe të vezëve.

Gjatë kontrolleve në magazina frigoriferike, në supermarkete dhe fastfood-e, janë konstatuar tregtim i ushqimit të pasigurt, në mungesë gjurmueshmërie, etiketimi, kundëretiketë në gjuhën shqipe dhe vezë të vendosura në kuti pa vulë dhe logon përkatëse.

Për shkeljet e konstatuara, trupa inspektuese e AKU-së vendosi masa administrative me gjobë në vlerën 6.150.000 lekë, si dhe u krye bllokimi i sasisë prej 21.840 kokrra vezë dhe produkte sallamarie të pasigurta për konsum.

Autoriteti Kombëtar i Ushqimit, garanton qytetarët se është i pranishëm në terren në të gjithë vendin, për garantimin e ushqimit të sigurt për konsumatorin.

Zjarr Tv Ad