Mohamed El-Amine Souef deklaron se Kosova është pjesë e Serbisë

0
23

Ministri i Punëve të Jashtme dhe bashkëpunimit ndërkombëtar të Unionit të Komoreve, Mohamed El-Amine Souef ka deklaruar nga Moska se shteti i tij e konsideron Kosovën si pjesë të Serbisë.

Ndërkohë më parë ishte deklaruar nga ministri i Jashtëm serb, Ivica Daçiç se Unioni i Komoreve ka tërhequr njohjen e pavarësisë së Kosovës, derisa MPJ e Kosovës ka mohuar vazhdimisht lajmin.

“Qëndrimi ynë është se Kosova është pjesë e Serbisë”, deklaroi El-Amin në një konferencë për media.

Sipas deklaratës së tij, Serbia dhe Unioni i Komoreve kanë një problem të ngjashëm.