Moti i keq në Itali, emigranti shqiptar humb jetën në aksident

0
926

Një aksident fatal në orët e para të mëngjesit të sotëm i mori jetën një emigranti shqiptar në Itali.

Gjithçka ndodhu në rrugën Corso të Camposampiero, provincë e Padova, rreth orës 06.30 të mëngjesit të sotëm.

Nga hetimet para dyshohet se makina tip Ford Focus e drejtuar nga 58- vjeçari shqiptar Gjergj Melaj, me banim në Camposampiero, doli nga rruga si pasojë e pranisë së akullit në të.

Dyshohet se Mealj humbi kontrollin e makinës duke u përplasur me një mur anës rrugës. Në vendin e ngjarjes mbërriti policia dhe ambulanca, por për shqiptarin fatkeq, nuk pati më shpresë, për shkak se kishte gjetur vdekjen e menjëhershme.