Moti i keq vonon nisjen e trageteve Durrës – Bari

0
14
Zjarr Televizion Ad This is a sample article. ...

Dy tragetet e linjës Durrës – Bari, të cilët nuk mundën të lundronin natën e kaluar drejt destinacionit për shkak të erës së fortë me shpejtësi deri në 20 m/sek, u nisën sot në mëngjes nga porti i Durrësit, njoftoi Autoriteti Portual Durrës.

Sipas burimeve nga Qendra e Informacionit në Autoritetin Portual, tragetet “Bari” dhe “AF Marina” u nisën sot rreth orës 7.30 drejt portit të Barit. Era e fuqishme gjatë natës së kaluar, vonoi për rreth katër orë edhe tragetin “AF Claudia”, i cili u nis drejt Ankonës pas një incidenti brenda basenit portual.

Aktualisht në portin e Durrësit po përpunohen 5 anije, një pjesë e të cilave vazhdojnë të shkarkohen megjithë reshjet, që bien herë pas here

Sipas të njejtit burim, në anijet me konteinerë dhe skrap, përpunimi ka vijuar me ndërprerje të vogla edhe gjatë natës së kaluar. Aktualisht drejtimi i erës po ndryshon nga jugu drejt perëndimit dhe forca e saj gradualisht ka rënë.

Zjarr Tv Ad