Disa ditë më parë është ndarë nga jeta ish-basketbollisti i kuq Ilir Losha. Vuante nga një sëmundje e rëndë, e cila e ndau nga jeta në moshën 55 vjeçare në Itali aty ku edhe jetonte. I datëlindjes 1964 Iliri ishte prodhim i akademisë së kuqe të basketbollit që ka nxjerrë shumë e shumë talente. Një basketbollist i dalluar me ekipin e të rinjve të Partizanit. Në sezonin 1983-84 ai merret në ekipin e parë nga profesor Astrit Greva ku merr 2 trofetë, Kupë Republike dhe Kampionat. Pati fatin, okazionin sigurisht dhe talentin të luante perkrah emrave të mëdhenj si Caci, Bushati, Prifti, Agolli, Terihati. Lami. Leka, Kuqo etj. Ngushëllojmë familjen dhe të afërmit për kete humbje te madhe për ta, nje humbje shumë e parakohshme. I përjetëshëm qoftë kujtimi i tij!
