Ministri i Brendshëm Sandër Lleshaj ka paralajmëruar ndryshime të rëndësishme në menaxhimin e kufirit me Kosovën. Me anë të një statusi në rrjetin social “Facebook”, Lleshaj thotë se kontrollet e dyfishta hiqen por se do të ketë dhe hapa të tjerë për të vendosur standarde plotësisht europiane në kufirin Shqipëri-Kosovë.
STATUSI I LLESHAJ
Ndryshime të rëndësishme në menaxhimin e kufirit me Kosovën. Kontrollet e dyfishta hiqen. Policitë e të dy vendeve do të kryejnë së bashku kontrollet sipas parimit një ndalesë një kontroll.
Qeveria miratoi dje vendimin për këtë ndryshim të rëndësishëm, që lehtëson ndjeshëm lëvizjen e lirë ndërmjet Shqipërisë dhe Kosovës.
Por lehtësimi i lëvizjes së lirë nuk mbaron me kaq. Së shpejti ndërmerren hapa shumë më të rëndësishëm, për të vendosur standarde plotësisht europiane në kufirin Shqipëri-Kosovë. 🇦🇱🇪🇺🇽🇰
