Ish-Kryeministri Sali Berisha tha se asnjëherë debati për presidentin Shqipërisë nuk është zhvilluar në nivel grupi parlamentar.Këtë deklaratë e bëri, kur u pyet se si do të negociojnë me mazhorancën për zgjedhjen e presidentit, duke qenë se Kuvendi i 30 prillit shkarkoi Enkeljed Alibeajn, nga kreu i grupit parlamentar të PD.
Berisha më tej shtoi se Alibeaj është marrë peng nga Edi Rama.
Pyetje: Si do negociojë PD ndërkohë që nuk ka një kryetar grupi?
Berisha: Që kur është vendosur pluralizmi në Shqipëir deri më sot, debati për presidentin e Shqipërisë nuk është zhvilluar në nivel grupi parlamentar, por gjithnjë në kryetar të partive.
Zhvillohet në grup parlamentar vetëm për një arsye, sepse Edi Rama ka marrë peng Alibeaj. E trajton si ministër të qeverisë, prandaj kërkon që negociatat të zhvillohen vetëm me të. Po zhvillohen në dritën e diellit skenarë të padenjë, lojë e shëmtuar e Ramës me ‘fake’ opozitën
