Kryeministri Edi Rama ka folur për debatet mes përfaqësuesve të PS dhe LSI-së gjatë javëve të fundit.
Rama tha se LSI po bën opozitën e qeverisë dhe qeverinë e opozitës para zgjedhjeve.
Përplasjet e fundit me deklarata mes PS-LSI, janë një përpjekte e Lëvizjes Socialiste për Integrim për tu dukur më atraktive në lidhje me zgjedhjet.
Nëse i referoheni deklaratave të Monikës për Arsimit, ju e dini se LSi e ka votuar ligjin e Arsimit të Lartë.
I pyetur në lidhje me artikulimet e LSI për Ilir Metën Kryeministër Rama u përgjigj:
“Kjo nuk varet as nga unë as nga Ilir Meta, kjo varet nga populli, cila del partia e parë ajo ka kryeministrin”, tha Rama ne emisionin Studio e Hapur ne News24.
Per votimin e Xhafajt dhe LSI
Pas dekretimit të Presidentit Bujar Nishani të 4 ministrave të rinj, dhe shprehjes së rezervave për kandidaturën e Fatmir Xhafajt si ministër i Brendshëm, janë shtuar zërat se LSI nuk do ta kalojë atë në Parlament. I pyetur nga gazetarja Eni Vasili në emisionin “Studio e hapur” në “News 24”, nëse bie koalicioni në rast se LSI nuk e voton kandidaturën e Xhafajt, kryeministri ka zgjedhur të bëjë një krahasim.
“Ju thoni se nëse autobusi i Tiranës së Re, që është bllokuar nga çadra i bie nga hëna, a është ky çrregullim i qarkullimit ndërkombëtar”, është përgjigjur Rama.
Sakaq, ai është shprehur i bindur në pastërtinë e figurës së Fatmir Xhafajt, i propozuar si ministër i Brendshëm.