Faktori ndërkombëtar ka të drejtën ta shohë me skepticizëm rikthimin e Berishës në krye të opozitës.
Ajo çka kërcet në këtë mes dhe kërcet keq, është heshtja e faktorit ndërkombëtar për çdo skandal rilindas dhe ngulmimi i skajshëm për largimin e Berishës.
Faktori ndërkombëtar do të ishte i besueshëm sikur me të njëjtën denduri që kërkon tërheqjen e Berishës, të nënvizonte edhe skandalet rilindase që janë të përveçme qoftë për nga thellia e dëmit dhe qoftë për nga skenari, ku një çoban kthehet në biznesmen nga një ditë në tjetrën në çështjen e inceneratorëve dhe qindra miliona euro fluturojnë nga buxheti i shtetit.
Alibia se prania e Berishës e detyron faktorin nderkombëtar të heshtë para çdo skandali rilindas dhe se mungesa e Berishës do provokonte reagimin e këtij faktori kundrejt çdo skandali rilindas, më bën thjesht të nënqesh.
Post Scriptum- Nuk mund të jetë Berisha alibia e përjetshme për të përligjur çdo skandal rilindas në këtë vend./Elona Caslli
