Gazetari Hysni Gurra ka reaguar ashpër ndaj kryeministrit Edi Rama, duke marrë shkas nga dhuna e ushtruar nga anëtarë të fisit Rrahja ndaj dy personave në Krujë.
Me anë të një statusi në rrjetet sociale, Gurra e cilëson Ramën si taleban që qeveris me fise, ndërsa i numëron atij fiset në disa qytete të Shqipërisë.
Ai pretendon se duke përdorur bandat fisnore, kreu i qeverisë u merr votat shqiptarëve duke i shtrënguar në darën e tyre.
“Rama është si taleban, qeveris me fise
Në Fushë-Krujë Rraja
Në Durrës Dakot e Sakot
Në Elbasan Çapjat e ç’janë ata
Në Tiranë ka 5-6 fise se është më e madhe
Në Kukës me Gjicët…
U merr votat shqiptarëve duke i shtrënguar në darën e këtyre bandave fisnore, tjerat i blen dhe pastaj sorollatet nëpër dynja e nëpër Shqipëri si cub. Blen Lul Bashën, blen McGonigalin, zihet me Albinin, puthet me Vuçiçin e jargose me çunin e Sorosit.
Ky është me pak fjalë njeriu që ka pushtuar Shqipërin, një taleban i mirëfilltë”, shkruan ai.