Detaje të reja janë mësuar nga ngjarja e paprecedentë e cila u regjistrua ditën e djeshme në qytetin bregdetar të Sarandës. Në videot e publikuara dje, pronari i një lokali, i identifikuar si A. Ç, ka pasur një përplasje me klientët. Mësohet se motivi ka qenë “fatura e kripur.”
Ndërkohë shërbimet e Policisë kanë konstatuar se ky shtetas ushtronte aktivitetin pa u regjistruar në organet tatimore. Gjithashtu, nga specialistët e AKU-së iu vendos masa administrative 300.000 lekë të rinj. Vijon puna për kapjen e shtetasit A. Ç.
Njoftimi:
Nga specialistët për Hetimin e Krimeve në Komisariatin e Policisë Sarandë u referuan materialet shtesë në Prokurori, për shtetasin e shpallur në kërkim A. Ç., 48 vjeç, pasi gjatë kontrollit në subjektin e tij, ku ditën e djeshme ky shtetas kanosi me mjet prerës thikë, disa klientë, shërbimet e Policisë kanë konstatuar se ky shtetas ushtronte aktivitetin pa u regjistruar në organet tatimore.
Gjithashtu, nga specialistët e AKU-së iu vendos masa administrative 300.000 lekë të rinj. Vijon puna për kapjen e shtetasit A. Ç./sot.com
