Botuesi i gazetës “Koha Jonë” Nikollë Lesi, lajmëron mbylljen në print të Gazetës “Koha Jonë”, pikërisht pak javë pasi kjo gazetë festoi 30 vjetorin e krijimit të saj, në 1 Korrik 2021.
Për gazetarët, mbyllja e një gazete në print, është një “dhimbje” me vete në kohën kur tregu i printit, është duke falimentuar dhe shumë tituj gazetash po zhduken nga tregu.
Nikolla vetë ka rrëfyer se do të jetë vetëm online, duke synuar edhe një tv online, madje me lajme e dokumentare.
Por “Koha Jonë Media” sipas tij ka gjetur sloganin “Nga lufta vijmë dhe në luftë po shkojmë” për të treguar se do të jetë në opozicion me të keqen, me keqqeverisjen, me opozitën që akoma mbetet e hallakatur dhe me Presidentin e Republikës, si dhe me këdo që shpërdoron pozitën shtetërore.
Për të gjithë ata që janë mësuar me slogane mediatike të tipit: “Të parët për lajmin e fundit”, Lajm i fundit, shpejtësi e korrektësi”, apo “Ne jemi të parët”, duhet të mësohen tashmë edhe me sloganet e luftës, që sapo janë bërë publike nga media “Koha Jonë”.
