Nis samiti i Brdo-Brijunit,mblidhen në Tiranë liderët e Ballkanit

0
16
Zjarr Televizion Ad This is a sample article. ...

Ka nisur sot në Tiranë samiti i Brdo-Brijunit, i organizuar nga Presidenti Ilir Meta ku janë mbledhur edhe lidërat kryesorë të Ballkanit dhe përfaqësues të lartë të Europës. Procesi i Brdo-Brijunit është një nismë rajonale bashkëthemeluar nga Presidentët slloven dhe kroat në vitin 2010.

Në nisje të samitit, Presidenti Meta falënderoi pjesëmarrësit dhe e cilësoi 9 majin një ditë feste për popujt e Ballkanit.

“Ju uroj ju mirëseardhjen në Ditën e Evropës për fillimin e festimeve të kësaj dite që është për ne dhe të gjithë popujt tanë dhe fillimin e samitit. Ju falënderoj për kohën tuaj. Një falënderim për miqtë e veçantë, për Presidentin Dudai cili është gjithashtu organizatori i samitit të ardhshëm dhe gjithashtu zonjën Mogherini, zv. presidenten e KE e cila do të niset për udhëtim menjëherë pas këtij sesioni në një samit tjetër të rëndësishëm”, u shpreh Meta.

Me ftesën edhe të Presidentes së Kroacisë, Kolinda Grabar-Kitarović dhe të Presidentit të Sllovenisë, Borut Pahor, në Samitin e Tiranës, do të marrin pjesë tre Anëtarët e Kryesisë së Presidencës së Bosnje-Hercegovinës, Milorad Dodik, Šefik Džaferović dhe Željko Komšić, Presidenti i Kosovës, Hashim Thaçi, Presidenti i Malit të Zi, Milo Đukanović, Presidenti i Maqedonisë, Gjorge Ivanov, si dhe Presidenti i Serbisë, Aleksandar Vučić.

Të ftuar nderi janë Presidenti i Polonisë, Andrzej Duda, dhe Përfaqësuesja e Lartë e Bashkimit Evropian për Punët e Jashtme dhe Politikën e Sigurisë dhe Zëvendës Presidente e Komisionit Evropian, Federica Mogherini.

Samiti i Liderëve në Tiranë, që përkon dhe me “Ditën e Evropës”, synon të përçojë një mesazh të rëndësishëm politik lidhur me aspiratën e përbashkët të vendeve të rajonit për t’u integruar në Bashkimin Europian.

Kjo nismë ka shërbyer si forum i rëndësishëm i nivelit më të lartë politik për nxitjen e dialogut, bashkëpunimit, forcimit të sigurisë dhe stabilitetit, dhe mbështetjen e proceseve europiane dhe euroatlantike të të gjitha vendeve të rajonit. Një tregues domethënës e jetik për vende tona ka qenë mbështetja e vazhdueshme që drejtues të lartë evropianë dhe amerikanë i kanë dhënë këtij Procesi.

Zjarr Tv Ad