Nis seanca dëgjimore e 3 kandidatëve për anëtarë të Këshillit të Lartë i Prokurorisë nga shoqëria civile.
Zgjedhja e anëtarit të KLP-së pritet t’i japë fund ngërçit të krijuar mes mazhorancës dhe opozitës, lidhur me kryeprokurorin e ri sipas Kushtetutës, pas mbarimit të mandatit të Adriatik Llallës.
3 kandidaturat që kanë aplikuar për të qenë pjesë e KLP janë paraqitur me një shkresë zyrtare pranë Kuvendit nga Avokati i Popullit.
Seanca dëgjimore ka nisur për tre kandidatët, të cilët janë Alfred Balla, Andi Murataj, Entela Hoxha.
KLP duhej të ishte ngritur që në muajin prill, por për shkak se shoqëria civile nuk kishte paraqitur asnjë kandidat, ky organ mbeti pezull, e si pasojë nuk mund të zgjidhej 8 muaj më parë pasardhësi i Adriatik Llallës.
