Një asteroid që vetë-shkatërrohet

0
3

Në hapësirë, askush nuk mund të ketë dëgjuar ulërimën e një asteroidi. Por astronomët përdorën teleskopin Hubble për të parë një asteroid teksa vetë shkatërrohej.

Një asteroid i gjerë 4 kilometra i quajtur 6478 Gault u zbulua për herë të parë në vitin 1988 dhe dukej si shumë prej 800.000 asteroideve të tjerë në hapësirë.

Por në muajin janar, astronomët panë diçka të çuditshme në imazhet e teleskopit i cili bëri studimin: Gault ishte bërë “aktiv” dhe shpërtheu duke lënë pas vetes një dritë të madhe, shumë të ngjashme me atë të një komete dhe u zgjat më shumë se 800.000 kilometra.

Një bisht i dytë i këtij asteroidi u gjet disa javë më vonë.

Ngritja e energjisë diellore mund të ngrohë akullin dhe komponimet e tjera të ngrira të fshehura nën shtresa të pluhurit, duke i kthyer ato materiale në gazra dhe duke e çuar shkëmbin për të nxjerrë mbeturinat e kometës për të formuar një bisht të gjatë, me ngjyra të ndezura.

Gault qëndron rreth 214 milionë kilometra larg nga Dielli, në një orbitë mjaft rrethore ndërmjet Marsit dhe Jupiterit.

Tani, falë vëzhgimeve të shumta nga NASA dhe Teleskopi Hapësinor Hubble i Agjencisë Hapësinore Evropiane, misteri duket se është zgjidhur: Gault po rrotullohet.

“Kjo ngjarje e vetë-shkatërrimit është e rrallë,” tha Olivier Hainaut, një astronom me Observatorin Evropian të Jugut, në një deklaratë për shtyp.

“Asteroidet aktive dhe të paqëndrueshme, si Gault, tani po zbulohen vetëm me anë të teleskopëve të rinj të sondazhit që skanojnë tërë qiellin, që do të thotë që asteroidët si Gault që nuk funksionojnë mirë, nuk mund t’i shpëtojnë zbulimit”.