Kudo ku promovohet nisma serbe e ‘Ballkanit të Hapur’, shfaqet dhe i biri i George Soros.
Për shkak se babai nuk udhëton dot, Alex Soros që prej ardhjes së Edi Ramës në pushtet, më shumë ka qëndruar në rajonin e Ballkan se sa në SHBA, ku edhe ka lindur.
Nisma serbe e ‘Ballkanit të Hapur’, besohet se është ideuar nga George Soros dhe tani njeriu që kontrollon/koordinon të gjitha lëvizjet dhe aktivitetet është Alex Soros.
Ka qenë i pranishëm në çdo aktivitet që nga takimi i Nishit, në Serbi ku u prezantua publikisht kjo nismë nga Aleksandër Vuçiç, Edi Rama dhe Zoran Zaev e deri në takimin e fundit të mbajtur në Beograd, një panair verërash i prezantuar si ‘Një Ekonomi në Ballkanin e Hapur’.
Edhe këtu, Alex Soros është shfaqur në vend të parë të aktiviteteve, ku duket se të gjithë i shkojnë nga pas. Në këtë takim ka qenë i pranishëm edhe Zoran Zaev, edhe pse nuk është më kryeministri maqedonas.
Sigurisht, në fotot e shpërndara nga Sorosi i vogël, asnjëherë nuk mungon Edi Rama, i cili është edhe njeriu që zbaton çdo vendim që i komunikon Sorosi i madh, George.
