Ndërsa Astrit Patozi, ish-miku i ngushtë personal dhe politik i Sokol Olldashit, është ndarë përfundimisht me Partia Demokratike, për të bërë një parti të re, “Bindja Demokratike”, një person akoma më i afërt i politikanit të ndarë nga jeta do të japë një shenjë të fortë afrimi me PD-në.
Sot, në orën 17:00, Enkelejda Olldashi do të jetë në takimin e PD me pedagogët, në tryezën për Arsimin.
Vetëm pak ditë nga krijimi i Bindjes Demokratike, ish-bashkëshortja e Sokol Olldashit, pedagoge e Juridikut, bën lëvizjen e papritur.
Enkelejda Olldashi është një ndër pesë pedagogët më të mirë të dalë nga sondazhi i organizuar një vit më parë në Universitete.
Nuk konfirmohet që prania e saj në tryezën e sotme ka arsye politike, por mbetet një sinjal shumë i fortë në debatin që ka hapur partia e re.