Kryetari i komanduar i PD-së, Enkelejd Alibeaj ka kërkuar në mënyrë të menjëhershme që Këshilli i Mandateve në Kuvendin e Shqipërisë t’i hapë rrugën arrestimit të deputetit të PS-së Alqi Bllakos për të cilin SPAK ka lëshuar urdhër arresti si tw implikuar për aferën e inceneratorëve.
Ndryshe nga Grupi i Rithemelimit, Alibeaj si kryetar i komanduar i PD-së ka inkurajuar drejtësinë që të zbardhë ngjarjen për të cilën e etiketoi si “vjedhjen më të madhe të shekullit”
“Pasi jemi njohur nëpërmjet medias me kërkesën e SPAK për kërkesën për autorizim për procedim, kërkojmë mbledhjen e menjëhershme të Këshillit të Mandeteve në Kuvendin e Shqipërisë, për të shqyrtuar mandatin e deputetit të PS, Alqi Bllako, ndaj të cilit është vendosur masa e arrestit për aferën e inceneratorëve.
Nuk duhet pritur më asnjë minutë. Koha është tani.
Vlen të kujtojmë që PD vazhdon të jetë e ndarë në dy kampe, Belind Këlliçi njoftoi deklaratë për mediat nga selia blu. Whats app dhe zyra e shtypit është nën kontrollin e grupit të Sali Berishës, kurse Facebook-u zyrtar i Partisë Demokratike kontrollohet nga kryetari i komanduar i PD-së, Enkelejd Alibeaj.
