Kreu i Organizatës Botërore të Shëndetësisë, është shprehur se; vaksina është shumë pranë dhe vendet duhet të fillojnë që të investojnë, si dhe të përgatiten për pandeminë e ardhshme.
“Pavarësisht paralajmërimeve prej disa vitesh, shumë vende nuk ishin të gatshme për këtë pandemi, ka thënë Drejtori i Përgjithshëm i OBSH-së, në Asamblenë e Përgjithshme të OKB-së për pandeminë. “Shumë vetë, gabimisht kishin menduar se sistemet e tyre të forta shëndetësore do t’i mbronin ata.”
Gjithashtu, ai tha se vendet që janë përfshirë SARS-in, ose sindromën e rëndë akute të frymëmarrjes, dhe MERS, ose sindroma respiratore e Lindjes së Mesme, si dhe sëmundje të tjera infektive, kanë pasur më shumë sukses në kufizimin e përhapjes së pandemisë.
“Tani të gjitha vendet duhet të veprojnë duke pasur parasysh përvojën e mëparshme dhe të investojnë në masat që do të parandalojnë, kontrollojnë dhe zbutin krizën e ardhshme,” është shprehur Tedros.
“Është gjithashtu e qartë që sistemi global i gatishmërisë kërkon vëmendje.”
OBSH është kritikuar nga disa vende për trajtimin e saj të pandemisë, pasi Kina raportoi rastet e para në fillim të këtij viti. Presidenti amerikan Donald Trump ka qenë një nga kritikët më të zëshëm dhe më 29 maj njoftoi se Shtetet e Bashkuara do të tërhiqen nga organizata globale e shëndetësisë. Presidenti i zgjedhur Joe Biden, ka thënë se do ta përmbysë atë vendim kur të marrë detyrën në janar.
Shefi i OBSH-së, ka theksuar nevojën që vendet e pasura dhe të varfëra, të kenë qasje të barabartë tek një vaksinë , duke thënë se vënia e shkencës në shërbim të të gjithëve nuk është bamirësi, por në interesin më të mirë të çdo vendi. Ai gjithashtu u ka bëri thirrje vendeve që të rimendojnë rrënjësisht, se si i japin përparësi dhe e shohin shëndetin nëse duan të shmangin një krizë tjetër të përmasave të ngjashme.
