Në operacion u angazhua një numër i madh forcash , përfshirë dhe njësitë specialë të policisë. Gjithcka është ndjekur nga afër nga drejtuesit më të lartë të Policisë.
Sipas burimeve zyrtare, sinjalizimi për sipërfaqe të mbjella me kanabis erdhi fillimisht nga vrojtimi ajror i avionëve special të Guardia di Finanza-s italiane, e cila ka nisur monitorimin që prej mesit të muajit maj.
Gjatë kontrolleve, policia ka gjetur përveç parcelave të mbjella me fidanë, edhe sera ku kultivohej lenda, apo dhe mjedise të mbyllura ku rritja stimulohej përmes ndriçuesve të fuqishëm.
Deri pasdite, burime nga policia bënë të ditur për të paktën 10 arrestime, ndërkohë që operacioni mësohet të jetë ende në vijim e sipër.
Në dy vitet e fundit, gjatë 2019-ës dhe 2020-ës, kultivimi ka patur një tendencë në rritje, pas një tkurrjeje të ndjeshme që u rregjistrua në vitin 2018, kur u shkatërruan pak më shumë se 35 mijë rrënjë, ndërsa sipërfaqja e zbuluar nga vëzhgimi ajror nuk e kalonte 1 hektar. /Voa/
