Organizoi një festë për të fejuarën, më pas bëri lajmërimin se ajo e tradhtonte me shokun e tij më të ngushtë, të cilin e njihte prej 20 vitesh.
Ai kishte ftuar një sërë personash të tyre të afërt dhe e filmoi momentin kur deklaroi publikisht tradhtinë e gruas.
Miku në fjalë është Alberto Sobalvarro, ekonomist dhe anëtar i kongresit, besnik i Presidentit venezuelian Nicolas Maduro.
Në videon, e cila u përhap me shpejtësi në rrjetet sociale, burri merr celularin e vajzës, dhe iu lexon mysafirëve mesazhet që kishte shkëmbyer me të dashurin.
Të pranishmit u druajtën se mos plaste sherri, por burri i tradhtuar e ruajti qetësinë.
Vajza, Daliana Meleán u mundua disa herë që të rimerrte telefonin, por i fejuari i inatosur ia hidhi në pishinë, shkruan noa.al.
Në fund burri i tradhtuar e mbylli fjalimin ironikisht duke thënë, “Të falënderoj shumë Alberto, me gjithë zemër për sinqeritetin dhe miqësinë që ke treguar këto 20 vite, por edhe Daliana e cila ka vazhduar fejesën me mua në këto dy vite në mënyrë hipokrite. Ja pra mësojeni, Alberto dhe Daliana kanë një lidhje bashkë”
