E ndërsa Shqipëria ka mbetur pa opozitë, për shkak se deputetët e saj kanë dorëzuar mandatet, një gjë e tillë duket se nuk është aprovuar mirë tek delegacioni i PE. Raportuesi për Shqipërinë në Parlamentin Evropian ka bërë të ditur se djegia e mandateve nuk është mënyra e duhur për t’i zgjidhur problemet politike. “Ne presim që deputetët të shkojnë në punë”, – tha Fleckenstein, i cili theksoi se se nuk ka asnjë diskutim që Parlamenti do të funksionojë, qoftë edhe pa anëtarë të rinj.
Pas kryetares së LSI, e cila reagoi duke thënë se nuk ka asnjë hap prapa, ka reaguar Edi Paloka. Nëpërmjet një statusi në Facebook, ai i ka kthyer një përgjigje delegacionit të PE, duke thënë se askush nuk e shpëton nga ngordhja. “E kuptuat… Protesten tjeter duhet te jemi edhe me te shumte edhe me te vendosur edhe me te pregatitur. Asgje dhe askush nuk e shpeton nga ngordhja”, ka shkruar në Facebook Paloka.
