Berati muze e ka kthyer sheshin dhe pedonalen e qytetit në një arenë të vërtetë festive, ku që prej disa ditësh janë duke u organizuar evente kulturore, të cilat jo vetëm po mbushin qytetin me gjallëri, por po tërheqin vëmendjen e vizitorëve që nuk mungojnë dhe këto ditë dhjetori të ftohta. Panairi i prodhimeve bio të zonës dhe ai i produkteve të artizanatit, ekspozita dhe aktivitete të tjera festive janë zhvilluar në këtë virgjilje festash. Fëmijët e talentuar të grupit “Art Color”, të vlerësuar ndër vite me çmime ndërkombëtare sollën mbrëmjen e djeshme ekspozitën e fokusuar tek ikonografia “Në gjurmët e Onufrit”.
Profesor Jani Kumati që ka krijuar dhe drejton këtë grup fëmijësh u shpreh se ekspozita me rreth 70 vepra të krijuara në ikonografi, një temë mjat e veçantë kjo ka sjellë ndjeshmërinë dhe karakterin në veprat e tyre. Sinkron….
Ndërsa, më pas në qendër të qytetit u hap panairi ku u prezantuan prodhimet më të mira të zonës, ku verërat e famshme të Beratit ishin në krye të këtij panairi për të vazhduar me krijimet e mjeshtrave duar artë të Qendrës së Artizanit “Margarita”.
Kryetari i Bashkisë së Beratit, Petrit Sinaj, u shpreh në fjalën e tij se këto ditë të fundit të vitit do të jenë të mbushura me evente, pasi qytetit i duhet gjallëria për të qënë në vëmendje të vizitorëve, por dhe të krijojë atmosferë për banorët.
