Eksperti i ekonomisë, Pano Soko, ishte në “Çim Peka Live”, ku ka komentuar sjelljen e Ramës, teksa shpërfytyroi fytyrat e kundërshtarëve politikë, Soko e cilësoi këtë si një palaçollëk të një Kryeministri, që duhet të japë llogari si i ka menaxhuar 33 miliard euro, taksa të shqiptarëve në 8 vite qeverisje.
“Kjo është një formë e derexhesë ku jemi katandisur në këtë moment, derexhesë politike. Politika shqiptare ka arritur fundin, pra nadirin e politikës dhe kjo shfaqje e shëmtuar që bëri dje ky zotëria që mori dhe i telendisi ata njerëz që sido që të jetë ata njerëz janë prindër që kanë edhe fëmijë është e turpshme.
Ajo është një ngjarje që tregon se si politika na derivon në të tilla palaçollëqe.
Ai është një rrugac që merret me deformimin e figurës së tjetrit, për ti denigruar fizikisht. Ajo që i bëri znj.Duma, është rrugaçëri. Çfarë simbolike kishte ajo fotoja e Grida Dumës.
Unë them që mund të merresh me atë politikisht, por jo me fytyrën e saj.
Kush është alternativa që po tregon.
Zotwri ke 8 vjet në pushtet. Ke menaxhuar 33 miliard euro taksa për 8 vjet dhe atë duhet të bëjë ai kryeministër që të japë llogari. Ky njeriu që na ka propozuar ligjin për dizinformimin. Është një nen ku thoshte ‘deformimi i fytyrës…. Ndërkohë që e bën vetë një gjë të tillë”, kështu është shprehur Pano Soko.
