Aktivistja Evi Kokalari që erdhi nga Amerika në mbështetje të ish kryeministrit Sali Berisha sot i ka bërë një ftesë publike deputetit demokrat Belind Këllici.
Pas akuzave të saja të rënda në drejtim të tij, Kokalari i është drejtuar sot Këlliçit me një ftesë për transparencë, përmes së cilës e vë theksin edhe një herë për manipulimin e votimit për zgjedhjen e anëtarëve të Këshilit Kombëtar të PD-së.
Postimi i plotë:
“FTESE BELIND KELLICIT PER TRANSPARENCE.
Vota është e shenjtë dhe duhet mbrojtur me çdo kusht, ndryshe demokracia nuk mbijeton!!
Kuota e pjesëmarrjes të anëtarëve të Forumit në Këshillin Kombëtar është 15% ose 22 veta. Duke hequr Belindin që është automatikisht i futur si deputet, ngelen 21 veta.
Këtë shifër ma ka konfirmuar vetë Belindi.
Nga një analizë e thjeshtë të listës së fituesve, rezulton se në Këshill kanë hyrë gjithsej 30 anëtarë të Forumit Rinor, domethëne 9 mbi kuotë e kërkuar me statut.
Ftoj Belind Këlliçin, që për hir të trasparencës, të lëshoj një deklaratë të noterizuar që vërteton se këta 9 vetë mbi kuotë, janë futur me votë (dhe nëse është votë e lobuar s’ka problem për momentin), dhe nuk janë përzgjedhur nga Belindi vetë, për të plotësuar, tejkaluar apo manipuluar zgjedhjet nëpërmjet kuotës që mbrohet me statut të Partisë.
Logjikisht, nëse kemi 9 veta mbi kuotë, kjo do të thotë që të gjithë, pra 30 të rinjtë, janë futur me meritokraci.
Kjo trasparencë, është mëse e nevojshme përpara zgjedhjeve të së Premtes, sepse ky është një informacion që duhet ta disponoj çdo anëtar i Kryesisë që ka të drejtë vote nesër.
E falenderoj paraprakisht!” tha ajo.
