Grupi i PD-së së Sali Berishës ka njoftuar mbledhje kryesie të hënën në orën 13:00, pak orë para zhvillimit të Këshillit Kombëtar që u paralajmërua pak ditë më parë. Në këtë mbledhje do të diskutohen dy çështje, krahas rendit të ditës të njoftuar për mbledhjen e Këshillit Kombëtar, përkatësisht:
-Diskutim dhe miratim i Kodit te Sjelljes dhe Etikes
– Diskutim dhe Miratim i Rregullores se Brendshme te PDSH. ,Ju lutem merrni masa per pjesëmarrjen.
Edi Paloka në cilësinë e kryetarit njoftoi më 20 shtator se Partia Demokratike do të mbledh Këshillin Kombëtar të hënën më 26 shtator, në orën 17:00.
Mbledhja e fundit e Këshillit Kombëtar u zhvillua më 6 qershor ku u zgjodhën edhe strukturat e reja te Partisë. Ajo vjen në një moment ku Partia Demokratike vijon të jetë e përçarë edhe e ndarë në disa pjesë, një nga mbështetësit e Sali Berishës, një ‘grupi i Alibeaj’ dhe një tjetër që kanë zgjedhur që të mbajnë një qëndrim më asnjanës duke u pozicionuar në asnjë anë.
