Deputetët e BE-së votuan të mërkurën në favor të një propozimi të Komisionit Evropian për të lejuar që centralet bërthamore dhe me gaz natyror të tregtohen si investime të qëndrueshme në tregjet financiare.
Sipas rregullave të reja, të njohura si taksonomia, impiantet e reja me gaz të ndërtuar deri në vitin 2030 do të njihen si një burim kalimtar energjie për sa kohë që zëvendësojnë një impiant me qymyr ose naftë, kalojnë në një gaz me karbon të ulët si hidrogjeni deri në vitin 2035 dhe të qëndrojnë nën kufirin maksimal të emetimeve për 20 vjet.
Gjithsej 328 eurodeputetë mbështetën etiketat e propozuara të investimeve, me 278 kundër dhe 33 abstenime. Rrëzimi i propozimit do të kërkonte një shumicë absolute prej 353 votash.
Platforma këshilluese e Komisionit për Financat e Qëndrueshme shprehu kundërshtimin e saj ndaj planeve në fillim të këtij viti. Aktivistët mjedisorë dhe një koalicion deputetësh me prirje të majtë kanë kritikuar gjithashtu ashpër propozimin për të etiketuar gazin dhe bërthamën si të gjelbër.
