Komisioni i Rithemelimit ka hartuar një rezolutë për konfliktin Rusi-Ukrainë. Rezoluta e hartuar do të diskutohet nësër në Parlament dhe kërkon që të dënohet agresioni rus ndaj vendit të Ukrainës. Në rezolutë kërkohet që Shqipëria të japë ndihmën e saj për të shpëtuar jetët e qytetarëve ukrainas.
Gjithashtu kërkohet që Shqipëria të largohet nga nisma “Ballkani i Hapur”, për shkak të Serbisë, e cila deri më tani nuk ka dënuar agresjonin ndaj Ukrainës.
Ndërkojë ditën e djeshme kreu i grupit parlamentar socialist,Taulant Balla, u ka dërguar krerëve të grupeve parlamentare të PD-së, ‘Aleancës për Ndryshim’ dhe të “Demokraci dhe Integrim” një projekt-Rezolutë të Kuvendit të Shqipërisë për mbështetjen e Ukrainës dhe mbrojtjes së tërësisë territoriale.
