Partia Demokratike sqaron arsyen se pse deputeti demokrat Edi Paloka, i hodhi bojë në fytyrë Kryeministrit Edi Rama, gjatë seancës së sotme parlamentare.
Partia Demokratike sqaroi se “Edi Paloka e gjuajti me bojë Edi Ramën, pasi ky e talli në mënyrë të përsëritur për shkak të mënyrës së të folurit. Gjuajtja me bojë është mospranim i bullizmit të ushtruar nga Kryeministri për të cilin është dëshmitar i gjithë opinion publik”.
Veprimi i Palokës, bëri që kryeparlamentari Gramoz Ruçi të përjashtojë nga seanca deputetin demokrat.
Por teksa Paloka nuk ka pranuar të dalë, Ruçi ndërpreu seancën dhe mblodhi Byronë e Kuvendit.
Gjithçka ndodhi pas replikës së Kryeministrit Edi Rama, ndaj kryedemokratit Lulzim Basha, ku dhe e quajti fëmijë.
Kryeministri kujtoi se i pranishëm në seancë ndodhej kryeparlamentari i Maqedonisë së Veriut.
“Zoti Talat Xhaferi, ju kërkoj ndjesë për këtë shkelje të kodit të mirëpritjes, por ju siguroi që fëmiu që sapo foli, jo vetëm nuk i mendon se çfarë thotë, por nuk di se çfarë thotë, edhe një herë j kërkoj ndjesë”, u shpreh Rama.
