PD: Viti i ri shkollor nis me kushte më të këqija, mësuesit janë më të keqpaguarit në rajon, 150 000 nxënës do mësojnë me turne. Ngrihuni në protesta të fuqishme

0
5
Zjarr Televizion Ad This is a sample article. ...

Kjo është thirrja që bëri përmes një deklarate për mediat zëdhënësja e PD, Floriana Garo, e cila tha ndër të tjera se viti shkollor “nis në kushte ku 150 000 nxënës do të mësojnë me turne, dhe mbi 50 000 nxënës do të mësojnë në klasa kolektive. Ky vit nis në kohë kur mësuesit shqiptarë janë më të keqpaguarit dhe më të keq-trajtuarit e rajonit”.

Deklaratë e Partisë Demokratike, zëdhënësja e PD, Floriana Garo:

Sot nis viti i ri shkollor!

Së pari, një urim të përzemërt për të gjithë nxënësit, mësuesit, prindërit në këtë ditë të rëndësishme për ta dhe për shoqërinë. Një urim të veçantë vogëlushëve që ulen sot për herë të parë në bankat e shkollës.
Një vit të suksesshëm për të gjithë.

Por të dashur miq, viti i ri shkollor 2022 – 2023 nis me kushte më të keqija se më parë.

Ky vit nis pasi mbi 700 shkolla, të të gjitha niveleve janë mbyllur në të gjithë vendin kurse 90% e shkollave të vendit janë pa ngrohje dhe ujë të rrjedhshëm ndërkohë që fondet vidhen dhe ndërtohen shkolla me 4-5 milionë euro, dmth 7-8 herë më të larta se në Europë.

Viti shkollor nis në kushte ku 150 000 nxënës do të mësojnë me turne, dhe mbi 50 000 nxënës do të mësojnë në klasa kolektive. Ky vit nis në kohë kur mësuesit shqiptarë janë më të keqpaguarit dhe më të keq-trajtuarit e rajonit.

Duke dënuar me ashpersinë më të madhe gjëndjen e rëndë në të cilën fillon punën këtë vit sistemi arsimor në Shqipëri, Partia Demokratike fton nxënësit, prindërit e tyre dhe mësuesit të ngrihen në protesta të fuqishme kundër regjimit që po shkatërron sistemin arsimor.

Zjarr Tv Ad