Eksperti i kriminalistikës, Ervin Karamuço bën të ditur përmes një postimi në rrjetet sociale se mbështet nismën e kriminologut Fabian Zhilla për çliruar audiencën televizive, radiofonike dhe të rrjeteve sociale nga modelet dhe formatet që po na kriminalizojnë dhe denatyrojnë vlerat e shoqërinë tonë.
“Mbështes maksimalisht nismën e mikut tim kriminolog Fabian Zhilla për të çliruar audiencën televizive, radiofonike dhe të rrjeteve sociale nga modelet dhe formatet që po na kriminalizojnë dhe denatyrojnë vlerat e shoqërinë tonë.”, shkruan Ervin Karamuço.
Zhilla po organizon një peticioni kundër emisioneve toksike, të cilin e ka titulluar ‘S’KA MA TURP’.
Në këtë postim të Ervin Karamuços ka komentuar edhe historiania Elena Kocaqi, e cila shkruan: Plotesisht dakord sepse ne asnje vend nuk ndodh qe per klikime ti besh reklame njerzve qe merren me krim e prostitucion. Po luajne mendesh rinine me reklamimin e nje jete te lehte qe vjen vetem nga keto dy rruge. Mire tik toku se ka nxjerr llumin sheshit, por jo media zyrtare./sot.com