Policia ka proceduar penalisht 13 persona në Dibër, për ndërtime të paligjshme. Sipas njoftimit të policisë, pas kontrollit të territorit janë konstatuar 13 persona duke ndërtuar objekte, pa lejen e organeve përkatëse.
Njoftimi i plotë i policisë:
Dibër
Strukturat e Policisë së Dibrës, plan masash për parandalimin dhe goditjen e krimeve mjedisore.
Goditen nga Policia, 13 raste të ndërtimeve të paligjshme, procedohen penalisht 13 shtetas.
Strukturat e DVP Dibër, në zbatim të planit të masave për parandalimin dhe goditjen e krimeve mjedisore, si rezultat i kontrollit të pandërprerë të territorit , përgjatë javës kanë evidentuar dhe goditur 13 raste dhe si rezultat janë proceduar penalisht shtetasit:
N.D., V. T., F. S., F. P., S. K., V. S., H. K., L. Q., K. N., Y. F., S. L., E. E., O. B., të gjithë banues në Dibër, pasi janë konstatuar nga shërbimet e Policisë duke ndërtuar objekte, pa lejen e organeve përkatëse.
Policia e Dibrës do të vijojë kontrollet për parandalimin dhe goditjen e krimeve mjedisore dhe në këtë kuadër kërkon bashkëpunimin e qytetarëve që të denoncojnë çdo rast të paligjshmërisë në Komisariatin Dixhital apo në numrin pa pagesë 112, duke siguruar anonimatin dhe reagim të paanshëm kundrejt shkelësve të ligjit.
