“Po përdor djallin për punë të mira”.Gazetari mezi pret reagimin e Rudina Hajdarit

0
83

Gazetari Andi Bejtja, ka reaguar në lidhje me deklaratën e Gjermanisë për respektimin e marrëveshjes së 5 qershorit si kusht për hapjen e negociatave. Kurioziteti i gazetarit, lidhet më shumë me deklaratën që do të bëjë Rudina Hajdari në lidhje me këtë çështje, sesa me deklaratën e vet kryeministrit të vendit. Duke e kosideruar Rudinën si “parimore” e cila lufton për ideale dhe se po “përdor djallin për punë të mira”, gazetari pret përgjigjen që ajo do t’i japë prononcimit gjerman për paprekshmërinë e marrëveshjes së 5 qershorit. Postimi i plotë: SI DO E KUPTOJE RUDINA HAJDARI WADEPHUL!
Gjermania bëri deklaratën më të fortë të mundshme ndaj tentativës së Kryeministrit Rama, për të prekur Kushtetutën, aspi për të hapur listat, por në fakt për të vetmin qëllim, për të penguar koalicionet qeveritare.
Thelbi i deklaratës është i rëndë, dhe megjithëse është një apel i fortë për maxhorancën, në fakt prek të gjithë shqiptarët, sepse ka vendosur si kusht mosprekjen e marrëveshjes së 5 qershorit me hapjen e negociatave. “Bundestagu gjerman nuk do të aprovojë konferencën e parë ndërqeveritare dhe hapjen e negociatave të anëtarësimit, për aq kohë sa nuk miratohet marrëveshja e 5 qershorit nga Parlamenti pa asnjë ndryshim dhe pa ndryshime kushtetuese që minojnë këtë marrëveshje”. Pas kësaj deklarate, të gjithë po presin reagimin e Ramës, (do tërhiqet, nuk do tërhiqet ndërkohë të them të drejtën më kurioz, personalisht jam si do e kuptojë këtë deklaratë, opozita parlamentare, dhe në vecanti Rudina Hajdari, që ndryshe nga kolegët e saj, vazhdimisht nënvizon se po Lufton për ideale, sic është shprehur dhe ajo vetë “për demokracinë dhe për të ardhmen e Shqipërisë në BE”. Der tani, ne rastin me te mire, kanë pretenduar se “po përdorin djallin, për punë të mira”.