Policia, mban në burg protestuesin e sëmurë

0
8

Policia ka arrestuar dje pas protestës të riun Qamil Gjolleshaj. Ai është një 23 vjeçar që si mijëra të rinj, ishte në protestën e madhe të opozitës.  Por 23-vjeçari ka një të veçantë. Ai është i ekzaminuar dhe kurohet për autizëm, por policia nuk ka dashur t’ia dijë për gjendjen e veçantë të protestuesit. Pavarësisht se prindërit dhe avokati i kanë treguar dosjen e tij mjekësore drejtuesve të Policisë tek Drejtoria e Tiranës, 23 vjeçari autik është mbajtur në qeli pa asnjë kujdes shëndetësor dhe në gjendje të papërshtatshme. Për këtë sjellje antinjerëzore të Policisë së Shtetit është informuar qe mbrëmë edhe Avokati i Popullit.