Mbrëmjen e sotme Operacionalja dhe Shqiponjat kanë “zbarkuar” në Burrel ku dhe kanë zhvilluar kontrolle të befasishme, në rrugët e qytetit, lokalet dhe makinat.
Operacioni ka pasur si qëllim kapjen e personave të cilët qarkullojnë me armë zjarri, me lëndë narkotike si dhe për kapjen e personave të shpallur në kërkim.
Gjithashtu mësohet se janë shoqeruar disa persona për në komisariat.
Njoftimi i plotë: Burrel – Bulqizë
Kontrolle të befasishme mbështetur me inteligjencë informative, për goditjen e paligjshmërisë, kapjen e personave në kërkim, të atyre që qarkullojnë me armë zjarri apo shpërndajnë lëndë narkotike.
Kontrollet nga forcat Operacionale dhe forca e Posaçme “Shqiponja” të Drejtorisë Vendore të Policisë Dibër, mbështetur dhe nga shërbimet e Komisariateve të Policisë Mat dhe Bulqizë.
Kontrolle po ushtrohen në lokale ku dyshohet se ushtrohet veprimtari e kundraligjshme e lojrave të fatit, që frekuentohen nga persona që janë në kërkim apo shpërndajnë lëndë narkotike e mbajnë armë zjarri.
Kontrollet e befasishme në gjithë qarkun nga shërbimet operacionale dhe të rendit, si dhe monitorimi i akseve rrugore nga Policia Rrugore, vijojnë, me qëllim goditjen e paligjshmërive dhe rritjen e parametrave të sigurisë publike dhe asaj rrugore.
