Analisti Preç Zogaj thotë se Kuvendi Kombëtar i 11 dhjetorit i thirrur nga Sali Berisha do të shndërrohet në një kakofoni.
Sipas tij, në Kuvend do të marrin pjesë delegatë por edhe anëtarë, mesa duket “për të përzier numrat”. Por Zogaj ngriti pyetjen: A do të hidhet në Kuvendin e 11 dhjetorit vendimi i Bashës për përjashtimin ose jo të Berishës?
“Do të mblidhen aty, do të bëjnë një mbledhje. Këta kanë thirrur më shumë delegatë për të përzier numrat. Do të ketë dhe anëtarë të përzier me delegatë dhe do të bëhet një kakofoni. Është zgjedhja që ka bërë Berisha, jo këta. Do i thonë këta nuk je. Ai ka shumicën në kryesi, të kryetarëve në degë të zgjedhur me parimin një anëtar një votë. Aty mungon një gjë, që foltoren e kanë nisur se ka marrë një veprim në kundërshtim me statutin. Këta do ta hedhin në Kuvend vendimin e Lulzim Bashës, për përjashtimin apo jo të Berishës?”, deklaroi Zogaj në emisionin “Opinion”.
