Data 24 Qershor, shënon 6 vjetorin e hapjes së Zjarr Televizion. Tashmë Zjarr.tv, është një televizion ndryshe, duke sjellë kështu risi të reja për publikun shqiptar. Por, kjo datë përkon edhe me ditën e lindjes së drejtuesit të këtij televizioni, Ismet Drishti. Në këtë 55 vjetor, Presidenti i Republikës, e nderon artistin Ismet Drishti, me urdhërin “Naim Frashëri”. Drishti ka dhënë një kontribut të çmuar me humorin e tij kulturës shqiptare, duke i dhënë ngjyra dhe nuanca të holla satirike, që e bën edhe më tërheqës për dashamirësit e tij.
Ismet Drishti, falenderon shkëlqesinë e tij Presidentin e Republikës, dhe urdhërin “Naim Frashëri i Artë”, ja dedikon qytetit të tij Shkodrës, si dhe familjes së jashtëzakonshme, që është pasuria e tij më e madhe.
