Presidenti Ilir Meta përshëndet zyrtarizimin e ftesës për anëtarësimin e Suedisë dhe Finlandës në NATO. Tashmë, janë parlamentet e 30 vendeve anëtare të aleancës që duhet të miratojnë protokollet e pranimit dhe më pas dy vendet nordike i bashkohen NATO-s.
“Vendeve mike, Suedisë e Finlandës, u urojmë mirëseardhjen në Aleancën që mbron sovranitetin, lirinë dhe demokracinë nga çdokush që synon t’i minojë ato”, shkruan ndër të tjera Meta. Kreu i shtetit shqiptar se vendimet e Samitit të Madridit e bëjnë aleancën më të bashkuar.
“Vendimet e sotme historike të samitit të NATO në Madrid, e bënë Aleancën tonë më të bashkuar, më të vendosur, dhe të gatshme për t’iu kundërpërgjigjur rreziqeve më të mëdha e të drejtpërdrejta që na kanosen!
Vendeve mike, Suedisë e Finlandës, u urojmë mirëseardhjen në Aleancën që mbron sovranitetin, lirinë dhe demokracinë nga çdokush që synon t’i minojë ato. Ne jemi NATO! Sëbashku qëndrojmë më të fortë”, shkruan presidenti Meta.
