Policia e Korçës ka arrestuar këtë të hënë një 51 vjeçar për veprën penale prerja e paligjshme e pyjeve, goditje për shkak të detyrës dhe kanosje për shkak të detyrës.
Personi në fjalë, me inicialet Ç.L., është zbuluar duke prerë dru. Në momentin që inxhinierët e konstatuan duke kryer veprën penale, ai i kundërshtoi ata, madje duke e goditur njërin prej tyre.
Njoftimi:
Kolonjë
U kapën duke prerë dru në mënyrë të paligjshme, vihet në pranga 1 shtetas, procedohen penalisht 2 të tjerë.
I arrestuari, për të shmangur penalizimin, kanosi për shkak të detyrës tre inxhinierë pyjesh të bashkisë Kolonjë dhe goditi njërin prej tyre.
Sekuestrohen 4 m sterë dru zjarri.
Në vijim dhe zbatim të planit të masave të hartuar nga Drejtoria e Përgjithshme e Policisë së Shtetit, për parandalimin dhe goditjen e krimeve mjedisore, si rezultat i kontrolleve të pandërprera të territorit, u godit një rast i tentativës për prerje të pyjeve, si rezultat i të cilit u bë arrestimi në flagrancë i shtetasit Ç. L., 51 vjeç dhe filloi procedimi penal në gjendje të lirë për shtetasit A. A., 65 vjeç dhe E. A., 32 vjeç, banues në fshatin Qafëzez, Kolonjë.
Këta shtetas janë konstatuar nga shërbimet e Policisë dhe të Inspektoriatit Pyjor, duke prerë dru në mënyrë të paligjshme në fshatin Çlirim, Kolonjë. Shtetasi Ç. L., për të shmangur penalizimin, ka kanosur për shkak të detyrës shtetasit A. J. dhe E. Ç., si edhe ka goditur me mjet të fortë në krah shtetasin K. M. (të tre me detyrë inxhinierë pyjesh pranë Bashkisë Kolonjë). Shtetasi K. M., pasi mori mjekim në spital, u largua në banesë.
Në cilësinë e provës materiale u gjetën dhe u sekuestruan 4 m dru sterë e llojit ah.
Materialet i kaluan Prokurorisë pranë Gjykatës së Shkallës së Parë Korçë, për veprat penale “Prerja e paligjshme e pyjeve”, “Goditjet për shkak të detyrës” dhe “Kanosja për shkak të detyrës”.
