Pritjes i erdhi fundi! Imazhi i parë nga teleskopi hapësinor James Webb i NASA-s i ofroi njerëzimit një pamje të re mahnitëse të university, një imazh i parë i këtij lloji me rreze infra të kuqe aq të largët në kozmos sa që tregon yjet dhe galaktika siç u shfaqën 13 miliardë vjet më parë.
Presidenti Joe Biden zbuloi imazhin e ri në Shtëpinë e Bardhë së bashku me zëvendëspresidenten Kamala Harris dhe zyrtarë të NASA-s. I quajtur “Fusha e Parë e Thellë e Uebit”, është imazhi i parë me ngjyra të plota nga observatori 10 miliardë dollarësh që u lancua në hapësirë vitin e kaluar. Kjo është pamja me infra të kuqe dhe me rezolucionin më të lartë të universit e pare ndonjëherë.
Është një foto që i ofron njerëzimit një perspektivë të re mbi shkallën e paqartë të universit.
“Nëse mbani një kokërr rërë në majën e gishtit tuaj në gjatësinë e krahut, kjo është pjesa e universit që po shihni”, tha administratori i NASA-s Bill Nelson. “Vetëm një grimcë e vogël e universit.”
Universiteti i Kalifornisë Santa Cruz e bëri imazhin të disponueshëm në një format të zmadhuar, duke i lejuar njerëzit të shohin galaktikën në mënyrë individuale për një vështrim më të afërt të saj.
