Ulja e ndjeshme e temperaturave ka sjellë probleme edhe me furnizimin me energji elektrike në disa zona të Tiranës
Për këtë arsye ka reaguar sot Operatori i Shpërndarjes së Energjisë Elektrike
Operatori i Shpërndarjes së Energjisë Elektrike, bën me dije se po punojnë për rritjen e sigurisë në furnizimin me energji elektrike në Tiranë.
Sipas OSHEE, ndërhyrja në fidera dhe masat e ndërmarra pritet të lehtësojnë ngarkesën në rrjet përgjatë këtyre ditëve me temperatura të ulëta.
“Drejtoria Rajonale Tirane, Njesia 1, janë duke punuar aktualisht për rritjen e sigurisë ne furnizimin me energji elektrike, duke ndërhyrë ne dy fidra pranë Unazës se Re, Astiri, etj.
Këto masa pritet te lehtësojnë ngarkesën ne rrjet përgjatë ditëve me temperatura te ulëta”- bën me dije OSHEE
