Kryeministri Edi Rama ka reaguar për protestën e studentëve e rinisur sot pas festave të fundvitit.
Përmes një postimi në Twitter, Rama thotë se mbyllja me dhunë e dyerve të disa fakulteteve është fytyra kuptimplotë e pengmarrësve të një proteste shembullore.
“Mbyllja me dhunë e dyerve të disa fakulteteve është fytyra kuptimplotë e pengmarrësve të një proteste shembullore, e cila tanimë ka hyrë në fazën e realizimit të kërkesave bazë dhe zhvillimit të një Dialogu të brendshëm për objektivat specifikë të çdo fushe studimesh #MeStudentët”- ka shkruar Rama.
Kujtojmë se disa studentë kanë gozhduar dhe kyçur dyert e disa fakulteteve dhe kanë dalë në protestë para kryeministrisë.
Studentët kërkojnë plotësimin e 9 kërkesave përfshirë edhe anulimin e ligjit të arsimit të lartë.