Ish-kreu i Aleancës Kuq e zi, Kreshnik Spahiu përmes një postimi në rrjetet sociale ka renditur arsyet se përse Europa nuk është e hapur për Shqipërinë dhe Kosovën.
Sipas Spahiut, Europa i trembet linjës pro amerikane që kanë këto shtete.
Postimi i plotë:
Pse ka frikë Europa nga një Ballkan pro-amerikan me 4 kryeministra shqiptarë?
Përse Europa pranon çdo vit miliona arab nga Afganistani, Irani, Iraku, Siria etj…por nuk liberalizon vizat për një Kosovë të vogël me aq pak banorë?
Arsyeja është e thjeshtë: Të parët nuk e duan Amerikën, ndërsa të dytët e kanë Washingtonin si “Meka”.
10 vite më parë me 50.000 firma i kërkova qeverisë Berisha dhe Thaçi kryerjen e referendumit për bashkimin e Shqipërisë me Kosovën.
Një nga tezat mbi të cilat bazohej kërkesa për referendum ishte se: BE nuk do pranojë kurrë dy shtete dhe dy vota shqiptare të dy shteteve pro-amerikane.
Kjo tezë ngjalli mosbesim dhe skepticisëm, por 10 vjet më pas opinioni publik po bindet se sa larg është antarësimi i dy shteteve shqiptare.
Në thelb BE po e fsheh qëllimin e saj të vërtetë për mos përfshirjen e Shqipërisë dhe Kosovës.
Europa po e përdor Bullgarinë si pretekst, por në fakt është vetë BE-ja pas trukut “bullgar”
BE-ja 20 vjet na mbajti ”peng” me gjoja plotësimin e standardeve dhe kur ato u plotësuan, menjëherë ngritën një postobllok, në “autosdradën Shqipëri-Europë.
BE tashmë po del zbuluar kundër shqiptarëve.
Por çfarë janë shkaqet e vërteta që BE nuk do i hap kurrë dyert shqiptarëve:
– Jemi shoqëri e kriminalizuar?
– Jemi shtet i korruptuar?
– Jemi popull me shumicë muslimane?
– Jemi komb pro amerkan?
– Jemi të ndryshëm nga europianët?
– Jemi të pacivilizuar dhe të prapambetur?
– apo Jemi pak nga të gjitha?
Unë nuk besoj tek albano-fobia, sepse nuk mendoj që francezët apo danizët ndjehen inferiorë ndaj nesh në kulturë apo art
Unë nuk besoj se belgët apo gjermanët s’na pranojnë sepse jemi muslimanë pasi ata kanë natyralizuar miliona turq, sirianë apo iraken.
Unë nuk besoj se spanjollët apo hollandezët nuk na duan se ne mbjellim hashash, sepse ata janë tregtues dhe përdorues 100 herë më shumë se Shqipëria apo Kosova.
Unë nuk mendoj se bullgarët nuk na votojnë se ne kemi qeveri të korruptuar, sepse qeveria bullgare ka një nivel rrushfeti me këta tanët.
Për këto arsyeje çdo ditë bindem se SHBA dhe BE kanë dy plane paralele, që nuk takohen askund me Ballkanin.
Europa nuk do në gjirin e saj 4-5 shtete që janë satelitë amerikan.
BE i friksohet të ardhmes së zgjerimit me kombet të cilat nuk kanë besim tek Europa, por te Amerika dhe vota e tyre nesër në BE mund menaxhohet nga Washingtoni.
Amerika dhe Europa po përplasen pa zhurmë në Tiranë, Prishtinë, Podegoricë, Shkup, Beograd, Stamboll.
Marrëveshja e Berlinit dhe Ballkani Hapur janë qartazi dy axhenda të ndryshme “Europiane” dhe “Amerikane”.
Përplasja BE-SHBA u pa qartazi kur Gjykata Europiane e financuar 100% nga BE arrestoi të gjithë liderët pro amerikan të Kosovës dhe pengoi Thaçin, Krasniqin, Veselin 24 orë përpara se të udhëtonin në Shtëpinë e Bardhë për të firmosur marrëveshje amerikane me Serbinë.
Brukseli po luan çdo gurë që Ballkani mos jetë nën ndikimin e Amerikës, por nën influencën e Parisit dhe Berlinit, por nga ana tjetër po na lënë jashtë Bashkimit Europian.
Aq shumë e urrejnë pro-amerikanizmin shqiptarë sa që nuk u japin viza një populli 1 milion banorë si Kosova dhe u kanë hapur dyert 1 miliard arabëve apo afrikanëve.
Europa nuk na urren as nga feja, as nga mentaliteti, as nga medioriteti, as nga kriminaliteti, por nga pro amerikanizmi ynë.
Mos harroni asnjëherë, ata që na copëtuan, asnjëherë nuk na vlerësuan.
Prandaj çdo shqiptar i thjeshtë apo udhëheqës i lartë duhet ndërgjegjësohet se sovraniteti i dy shteteve nuk egziston nëse nuk ruajmë një partneritet pa kushte me SHBA
Harrojeni BE se kurrë nuk do jeni pjesë e saj, madje më shpejt mund bashkoheni me Prishtinën dhe Shkupin sesa me Brukselin, sepse fundja këtë e ka në dorë Amerika që të bëj një Ballkan me 4 kryeministra shqiptar.
