Ish-anëtar i Këshillit Kombëtar të Partisë Demokratike, Murat Basha bën të ditur se ai ka dhënë dorëheqjen si anëtar i Këshillit Kombëtar të Partisë Demokratike pas dorëheqjes së Lulzim Bashës pasi nuk kishte më një arsye për të qëndruar.
Ai tha gjithashtu se Basha ra pre e lojës mes ish-kreut të PD Sali Berisha dhe presidentit Ilir Meta.
Deklarata e Bashës:
“Jam dorëhequr si anëtar i Këshillit Kombëtar sepse pas dorëheqjes së Bashës nuk gjeta një arsye për të qëndruar aty. Grupi i Rithemelimit nuk janë të djathtë. Unë jam i gatshëm të marr pjesë por jo kokëulur. Basha nuk duhet të futej në zgjedhjet e 6 marsit. Ra viktimë e lojës Meta-Berisha.
Janë firmosur formularë për shumë njerëz me vulën e vetëm një degë. Fletët u mbyllën në një kasafortë disa bosh e disa plot dhe ndërkohë u mblodhën firmat”, u shpreh Basha.
