Balluku i renditi mundësitë që ka investitori i këtij pallati. E para blerja e pallatit të ndërtuar pa leje me vlerën e tregut, prishja e ndërtesës apo dhurimi për të mirën e qytetarëve.
Ministrja Belinda Balluku ka shkuar në Farkë dhe ka nisur procedurat për konfiskimin e pallatit 9-katësh në Farkë që u denoncua një ditë më parë nga kryeministri Edi Rama, si i ndërtuar nën mbrojtjen e shefit të një komisariati në Tiranë. E ndodhur pranë pallatit, Balluku i renditi mundësitë që ka investitori i këtij pallati. E para blerja e pallatit të ndërtuar pa leje me vlerën e tregut, prishja e ndërtesës apo dhurimi për të mirën e qytetarëve.
“Ndodhemi në Farkë ky është komunikimi i parë publik që ne po bëjmë sa i përket vendimit që u mor me VKM dje, e kemi bërë publike, është një VKM që ka të bëjë më ndërtimet pa leje ose shtesat pal leje që do të konfiskohen dhe përdorim në të mirë publikut, duke u përdorur për projekte në të mirë të publikut. Pse kemi zgjedhur të vijmë këtu në Farkë. Këtu kemi dy katë nën tokë, nëntë kate ndërtim pa asnjë letër. Se si ka ndodhur kjo gjë është një mister për ne, por ky aksion ka të bëjë dhe me hetimin e secilit veprim që është bërë apo nuk është bërë nga institucionet që kanë për detyrë të mbrojnë territorin. E gjithë ndërtesa është pa leje dhe ka disa mundësi për këtë objket.
Mundësia e parë është prishja, e dyta, investitori mund ta blejë këtë vepër të ndërtuar në mënyrë të paligjshme, e tra ta dhurojë këtë objekt. Ky objekt përdoret më pas për banesa sociale, ose mund ta përdorim për zyra të institucioneve. Në të dyja rastet, pa dyshim që investitori do ta paguajë gjobën. Në rast se investitori nuk pranon as ta blejë apo dhurojë për përdorim të qytetarëve shqiptarë, kjo ndërtesë konfiskohet dhe investitori do të ndiqet penalisht,”- tha Balluku ndër të tjera.
Rama paralajmëroi ndërtuesit një ditë më parë. Ai tha prerë se çdo kullë e ngritur për përfitim ekonomik do të prishet apo dhurohet në mënyrë të publikut. Kreu i qeverisë përmendi dhe pallatin e ndërtuar në Farkë dhe kërkoi gjithashtu heqjen e shefit të komisariatit që ka lejuar ngritjen e kësaj godine pa leje.
Pa përmendur emra, Rama tha se milionerët që ngrenë kulla pa leje do të ndiqen penalisht nëse nuk pranojnë parablerje apo ta dhurojnë pronën për publikun. Gjithashtu, kreu i qeverisë shtoi se nëse ndërtuesi tenton të përdorë gjykatat, do shuhet si faktor ekonomik.
