Kryeministri Edi Rama ka reaguar sot për herë të parë për zjarret e mëdha që kanë “kapluar’ vendin tonë në këto dutë të nxehta vere.
Opozita shpesh e ka kritijuar për mosreagim, ndërsa me anë të një shënimi në rrjete sociale, Kreu i Qeverisë thotë se jemi në një kohë kur shumë vende po përballen me kërcënimin e zjarreve.
“ Angazhimi disaditor për shuarjen e zjarreve në Karaburun e jo vetëm, nga Forcat e Ushtrisë dhe trupat Rangers në terren meriton respekt e inkurajim, në një kohë kur shumë vende po përballen me kërcënimin e zjarreve”, shkruan kryeministri në Facebook.
Kujtojmë që vendi ynë prej ditësh është përfshirë nga zjarret e mëdha, ku 5-6 vatra janë tepër problematike dhe po merren masa për neutralizimin e tyre. Serioze është situata në jug të vendit në Karaburun dhe disa zona të Vlorës e Ksamilit, gjithashtu edhe në veri.
