Kryeministri Rama vizitoi Njësinë e Shërbimit Neurovaskular, që është shërbimi më i ri i krijuar në Qendrën Spitalore Nënë Tereza. Për herë të parë në këtë njësi, bëhet aplikimi i procedurës së trombolizës intravenoze për sëmundjet ishemike të trurit, i cili ofrohet vetëm në QSUT.
Polit të Neuroshkencës në QSUT i është shtuar edhe Njësia e Shërbimit Neurovaskular, që mundëson aplikimin për herë të parë në Shqipëri të procedurës së trombolizës intravenoze për sëmundjet ishemike të trurit.
Kryeministri Rama vizitoi këtë njësi, mjekja neurologe Mira Rakacolli i shpjegoi atij se cili është shërbimi i ri që i ofrohet pacientëve. Sipas drejtoreshës së QSUT-së, kjo risi mundëson edhe ndërhyrje të reja.
Gjatë vizitës, Kryeministrin e njohën edhe me rastin e një pacienti që një ditë pas ndërhyrjes ishte në gjendje të fliste vetë. Rama tha se tashmë gjendja në spitalet publike është krejtësisht ndryshe, dhe shërbimet që ofrohen për pacientët janë të kënaqshme.
“Tani jemi në një fazë tjetër dhe realisht që të gjithë ata që marrin shërbim se kanë hall në QSUT, por edhe në spitalet e tjera, pavarësisht se në spitalet e tjera kemi ende shumë probleme, – janë të kënaqur. Ata që nuk kanë qenë në spital dhe nuk e dinë se çfarë ka ndodhur vazhdojnë shajnë e shajnë se s’kanë faj se kanë pasur situata të ndërlikuara në të kaluarën”.
