Kryeministri Edi Rama, teksa i ka dorëzuar medaljen “Ylli i Madh i Mirënjohjes Publike”, komandantit të Komandës Operacionale të NATO-s, Gjeneral, Tod Daniel Wolters, ka folur dhe për një projekt të ri.
Rama tha se kanë një ide që do t’ja shpalosë komandantit që ka të bëjë me një bazë detare të NATO-s në Shqipëri.
“Kemi disa ide të mira e çka është më me rëndësi kemi disa miq të mirë. Jemi shumë besimplotë sot që mund të gjejmë vërtet vendin tonë për të qenë vlerë e shtuar në këtë aleancë.
E lashë për këtë moment që ti them gjeneralit që nesër do kemi mundësi t’i tregojmë disa prej ideve e në këto kohë mjaft specifike të rrezikshme besoj që ai sërish do konsiderojë për të pasur një bazë detare të fjalës së fundit të NATO-s në Shqipëri.
Na takon ne që ti paraqesim projektin atij e ti tregojmë atë për çka kemi punuar e më pas ai më pas që prej fillimit do jetë avokati e mbështetësi i kësaj ideje”, tha Rama.
