Presidenti i Serbisë Aleksandar Vuçiç ka komentuar ngjarjet në veri të Kosovës gjatë mbrëmjes së djeshme.
Sipas tij, Serbia nuk ka hyrë në territorin e Kosovës, sepse me marrëveshjen e Kumanovës dhe vendimet pas saj, si dhe hapjen e vendkalimeve, “ne nuk kemi të drejtë ta bëjmë këtë”.
“Ne nuk do të hyjmë me trupat tanë. Paqja është më e nevojshme. Ne presim që NATO të reagojë, ne jemi duke pritur për 24 orë. Nëse vazhdon përndjekja e popullsisë, Serbia do të reagojë”, citohet të ketë thënë Aleksandar Vuçiç sipas mediave në Kosovë.
Reagimi i presidentit serb vjen edhe pasi Sekretari gjeneral i NATO-s, Jens Stoltenberg ka bërë të ditur se ka diskutuar sot me kryeministrin Albin Kurti dhe presidentin Aleksandar Vucic, lidhur me situatën në veri të Kosovës.
Stoltenberg përmes një postimi në Tëitter, ka theksuar se është qenësore që Prishtina dhe Beogradi të rikthehen në dialog.
